Maine Apna YouTube Channel Kaise Shuru Kiya – The Upgrade Hub Ki Kahani

Har student ki life me ek phase aata hai jab woh sochta hai –
"Main kuch bada karna chahta hoon..."
Mere liye yeh phase tha jab maine YouTube creators jaise Dhruv Rathee, Technical Guruji, Slayy Point ko dekhna shuru kiya.
Unhe dekh kar mujhe laga — "Main bhi kar sakta hoon kuch alag."
Isi soch ne janam diya The Upgrade Hub ko — mera YouTube channel.

---

Channel ka idea kaise aaya?

Main Class 10 ka student hoon. Padhayi ke saath-saath mujhe content banana, logo tak knowledge pahuchana, aur animation me maza aata tha.
Mujhe laga ki agar main school subjects, motivation, aur interesting facts pe videos banao to log pasand karenge.

Main sochta tha:

"Agar main khud boring topics ko interesting tarike se samajh sakta hoon, to doosre bachche bhi kar sakte hain."

Bas wahi se idea aaya:
✅ Animated videos
✅ Hindi language
✅ Knowledge + Entertainment

---

Naam kaise chuna – “The Upgrade Hub”

Main chahata tha ki channel ka naam aisa ho jisme growth, learning aur improvement ki vibe ho.
Upgrade = Grow, improve
Hub = Central place

Socha "The Upgrade Hub" perfect hai — jahan log aake apne dimaag ko upgrade karein.

---

Pehli video banana – Dar bhi tha, Josh bhi

Sabse pehle maine socha ki "Kya video banau?"
Phir decide kiya ek motivational video banata hoon – jisme main "Elon Musk ke Daily Routine" ke baare me bataun.
Voiceover, scripting, aur animation sab khud kiya.
Mujhe pata tha perfect nahi hoga, lekin socha –

"Start perfect nahi hona chahiye, start hona chahiye." 😎

Video banane me 2 din lage, aur jab upload kiya to dil dhak dhak ho raha tha. Par jab pehle 100 views aaye — laga ki kuch toh sahi kiya!

---

Kaunsi tools use karta hoon?

Mera process simple hai:

• Script: ChatGPT aur khud ka research

• Voiceover: Apne phone se (kabhi AI bhi use karta hoon)

• Animation: Canva, Renderforest, ya VN app

• Thumbnail: Canva

• Editing: CapCut ya Kinemaster

Sab kuch free tools se shuru kiya — kyunki main believe karta hoon:

“Jugaad is the key when you don’t have resources!”

---

Mushkilein bhi aayi – Par rukna nahi tha

Starting me kai logon ne bola:

• "YouTube sab ke bas ki baat nahi"

• "Tu padhega ya YouTube karega?"

Lekin maine apne goal pe focus rakha. Mujhe pata tha ki agar main consistent rahunga, to result zaroor milega.

Kabhi-kabhi views nahi aate the, kabhi motivation low ho jata tha.
Par har baar maine apne aap se bola:

"Mohit, tu chhota soch ke bada kaise banega?"
Aur main wapas kaam me lag jaata.

Ab tak kya kya banaya?

Maine kai topics cover kiye:

• Motivational videos (Elon Musk, Bill Gates)

• Animated facts (Why airplane windows are round?)

• School-related shorts (brain freeze, yawning, sneezing)

• Ghibli-style image videos

• Truth-based videos (Chandan ka science, Khatushyam ka sach)

Har video ke liye main mehnat karta hoon — script, memes, background music, sab plan karke.

Meme game bhi strong rakha

Maine socha agar sirf plain facts dunga, to log bore ho jayenge.
To maine apne videos me memes dale:

• “Samajh rahe ho?”

• “Paisa hi paisa hoga!”

• “Shaabash beta, bahut badhiya!”

• Salman bhai laughing, Uday Bhai, and many more

Yeh memes videos ko mazedaar banate hain aur log relate karte hain.

Aage ka plan?

Main chahata hoon ki:

• 1 Lakh subscribers tak pahuchun

• Ek animated learning app banao

• Game bhi develop kar raha hoon jise AdSense se link karke paisa kama sakun

• Apne viewers ko motivate aur educate karta rahun

Aur sabse badi baat —

“Main billionaire banna chahta hoon – apne dum par.”

Jo log shuru karna chahte hain unke liye tips:

1. Shuru karo — perfect hone ka wait mat karo.

2. Free tools use karo — phone se bhi YouTuber ban sakte ho.

3. Consistency is 🔑 – ek din me kuch nahi hota.

4. Value do logon ko – ya to hasao ya sikhao.

5. Apne style me bano – copy mat karo.

Last Line:

"Mera channel mera sapna hai — The Upgrade Hub ek journey hai, destination nahi. Aur main har din uss journey ko enjoy karta hoon."